Ferill 115. máls. Aðrar útgáfur af skjalinu: Word Perfect.
1988–89. – 1058 ár frá stofnun Alþingis.
111. löggjafarþing. – 115 . mál.
Nd.
968. Breytingartillögur
við frv. til l. um breyt. á l. nr. 32/1978, um hlutafélög.
Frá fjárhags- og viðskiptanefnd.
1. Við 1. gr. Í stað orðsins „Hlutafélagið“ í upphafi 2. efnismálsl. a-liðar komi: Hlutaféð.
2. Við 8. gr. Orðin „m.a. flokka án atkvæðisréttar“ í lok b-liðar falli brott.
3. Við 12. gr. Orðin „svo og númer hlutanna sem það tekur til“ í 2. efnismálsl. e-liðar falli brott.
4. Við 14. gr.
. a. Á eftir orðinu „nafnnúmer“ í a-lið bætist: kennitölu.
. b. Orðin „númer hlutanna sem hlutabréfið tekur til“ í b-lið falli brott.
5. Við 17. gr. Í stað orðanna „ekki verður framseldur öðrum“ í niðurlagi greinarinnar komi: þeir geta ekki framselt öðrum.
6. Við 23. gr. Í stað orðsins „endurmatssjóð“ í a-lið komi: endurmatsreikningi.
7. Við 27. gr. Í stað tveggja fyrstu málsl. a-liðar komi:
. Í stjórn hlutafélags skulu eiga sæti fæst þrír menn nema hluthafar séu fjórir eða færri, þá nægir að stjórnina skipi einn eða tveir menn.
8. Við 28. gr. Greinin orðist svo:
. 49. gr. laganna falli brott.
9. Við 33. gr. Efnismgr. orðist svo:
. Mál, sem ekki hafa verið greind í dagskrá, er ekki unnt að taka til úrlausnar á hluthafafundi nema með samþykki fundarmanna sem samtals fara með minnst 2 / 3 hluta atkvæða í félaginu.
10. Við 41. gr. Í stað orðsins „endurmatssjóður“ komi hvarvetna í greininni: endurmatsreikningur.
11. Við 42. gr.
. a. Í stað d- og e-liða komi nýr stafliður er hljóði svo:
.. 4. mgr. orðist svo:
.. Meðal gjalda skal sérstaklega greina:
.. 1. Gjöld af aðalstarfsemi.
.. 2. Vaxtagjöld.
.. 3. Afskriftir og niðurfærslur á fastafjármunum.
.. 4. Gjaldfærslu vegna reiknaðra áhrifa verðlagsbreytinga á peningalegar eignir og skuldir.
.. 5. Tap sem verður við sölu, tjónsuppgjör, eignarnám eða aðra afhendingu fastafjármuna.
.. 6. Óregluleg gjöld.
.. 7. Tekjuskatt og eignarskatt reikningsársins.
. b. F-liður, er verði e-liður, orðist svo:
.. 5. mgr. orðist svo:
.. Óreglulegar tekjur og gjöld skv. 7. lið 3. mgr. og 6. lið 4. mgr. skal sundurliða eftir tegundum.
. c. Við bætist stafliður er hljóði svo:
.. Við greinina bætist ný mgr. svohljóðandi:
.. Víkja má frá uppsetningu þessari að því leyti sem það samræmist góðri reikningsskilavenju.
12. Við 43. gr. Upphaf efnismálsl. b-liðar orðist svo: Hafi við gerð ársreiknings verið tekið tillit til o.s.frv.
13. Við 48. gr. C-liður falli brott.
14. Við 52. gr. Í stað orðanna „þriggja ára“ í 3. tölul. fyrri efnismgr. komi: árs.
15. Við 64. gr. Greinin orðist svo:
. Eftirtaldar breytingar verði á 146. gr. laganna:
. a. 3. tölul. 3. mgr. orðist svo:
.. Sönnur fyrir því að stofnendur uppfylli þau skilyrði er um ræðir í 3. gr., stjórnarmenn og framkvæmdastjóri uppfylli þau skilyrði sem um getur í 50. gr. og endurskoðendur skilyrði þau er getur í 81. gr., ásamt skriflegri staðfestingu á að þeir hafi tekið endurskoðunina að sér.
. b. Við 4. mgr. bætist nýr málsl. er orðist svo: M.a. getur hann krafist þess að fá yfirlýsingu lögmanns eða löggilts endurskoðanda um að upplýsingar í tilkynningu um stofnun hlutafélags varðandi greiðslu hlutafjár séu réttar.
